Monon Behavior


Vai ai contenuti

Polska... rivemo!

I nostri libri

Una rumizada de 7 muli verso la Polonia tra s'cioche contro auti, clanfe, dormitori feminili, colori e draculi in mudande

Le maldobrie de 2 veci in osmiza su pirati istriani, guere tra tacomachi e rane, cronache di Garbia, furlani e tornei imperiali de sesa color

I pupoli de 1 cocal e 1 cornachia ala scoperta del mondo.



Tre storie diverse che se alterna e se inverigola lungo un fil condutor unico, quel che ne porterà su do riode de Trieste fin a Cracovia.

Te lo pol comprar direttamente online strucando qua

opur scarigar l'ebook qua.
opur nele librerie più bobe de Trieste e Biasiacaria!

Una maldobria in anteprima

Domande frequenti


Per bon xe frequenti ste domande frequenti?
No, ma fa figo, tuti meti sta roba dei.

Ma in pratica el libro xe el seguito de
Zinque bici, do veci e una galina con do teste?
Se pol dir de sì, solo con do bici in più, con 400 km in più, con altri do personagi de fantasia in più e con 50 pagine in più

Grasso el dindio!
No, dindi no xe. I due personagi novi xe un cocal e una cornachia.

E cossa i centra con un viagio in bici de Trieste a Cracovia?
El libro xe diviso in tre sezioni che se alterna. Xe do veci, Ucio e Ciano, za presenti in "Zinque bici, do veci e una galina con do teste", che xe in osmiza a bever un per de otavi. Per passar el tempo i legi el diario del viagio dei sete ciclisti. Dopo ogni capitolo, che corispondi a una tapa, ghe vien in mente una storiela de contarse, una maldobria, ispirai de quel che ghe nassi ai muli durante el viagio. Dopo de ogni maldobria, ghe xe una striscia comica de pupoli de Robi e Paco, che saria el cocal e la cornachia, che i xe in osmiza anche lori e i scolta Ucio e Ciano zercando de no farse becar intanto che i prova a fregarghe el magnar. Le robe che i scolta de Ucio e Ciano da el via a dialoghi e scenete comiche tra de lori.

Ma no sarà tropo casin tuti sti personagi e ste sezioni alternate?
No, perchè ghe xe un filo condutor che unissi tuto quanto, capitolo dopo capitolo. Yeeee!

Chi xe i autori?
Diego Manna le monade scrite, Michele Zazzara i pupoli pupolai

In che lingua xe scrito?
In triestin. Triestin più giovane per el diario del viagio in prima persona, triestin più vecio per le maldobrie, dove xe i veci che parla fra de lori. Triestin de cocai per i do usei. E poi xe un picio toco in italian, il canto della sirena.

Ghe sarà dele preview?
El diario xe online qua, anche con foto. Ma per el libro xe stado ampliado riveduto e coreto. In più fra poco publicheremo un 3 maldobrie online, stay tuned! :)

Ma xe vero che anderè a presentarlo anche a Siena al festival dela Viandanza?
Sì ciò, el primo giugno, ci tocherà parlare par taliano che se no i matti non riveranno a capire un'ostia.

Quando vegnirà fora el FRICO ?
I lavori al FRCO ricomincia subito dopo. Vederemo de farghela per nadal 2013.

Mi no go ancora Zinque bici, do veci e una galina con do teste, nè i 3 Monon Behavior, nè el libreto rosso de Cosolini. Dove posso ciorli?
Come no te ga? orca! e come te ga fato fin desso? te pol rimediar andando nele librerie più bobe del triveneto opur online nela Botega del Litoral.

Sta ultima domanda no la gavevo fata mi. Te la ga zontada ti per farte publicità agratis. Tra l'altro te la ga copiaincolada dale F.A.Q. del'altra volta.
Sì, xe vero :P
E go copiaincolà anche la risposta :D
Daghe!

Gli autori

Credits

Testi
Diego Manna e Michele Zazzara

Pupoli
Michele Zazzara

Impaginazione e grafica
Michele Zazzara

Revisione bozze
Erika Ronchin

Fornitura bozze
Tute le osmize de Trieste

Editor
Nativi


Torna ai contenuti | Torna al menu