Monon Behavior


Vai ai contenuti

Zinque bici, do veci e una galina con do teste

I nostri libri

ZINQUE BICI, DO VECI E UNA GALINA CON DO TESTE
in libreria del 30 magio 2012, 1400 copie vendude :)

Secondi in Region, ciò :)

More about Zinque bici, do veci e una galina con do teste

Trovime su aNobii

I migliori viz della presentazione

El booktrailer :)

Gli autori col libro

Credits

Testi
Diego Manna e Michele Zazzara

Pupoli
Michele Zazzara

Impaginazione e grafica
Michele Zazzara

Mappe, altimetrie e statistiche indegne
Eric Medvet

Revisione bozze
Erika Ronchin

Fornitura bozze
Tute le osmize de Trieste

F.A.Q.

Xe un novo Monon Behavior?
none

Eh ma dei, mi volevo un Monon Behavior 4!
eh, xe che...ma speta, questa no xe una domanda!

Ma alora cossa xe?
xe una storia de bici, con drento però altre storie de veci, con drento però anca pupoli

Chi xe i autori?
Diego Manna le monade scrite, Michele Zazzara i pupoli pupolai


In che lingua xe scrito?
in triestin, la lingua del nostro cuore :) A parte un tochetin poetico, l'origine delle eclissi, par 'talian

No go capì ben. Spiega meo cossa xe.
Eco l'intro che spiega tuto!

Capita che un giorno, d'estate, te rivi la mail de do amici che i se sta organizando per andar a Budapest in bici. E la mail disi circumcirca cussì:

Ou, femo un ultimo tentativo de convinzer Pasta e Diego, dei. Noi partimo dopodoman. Vegnì?

Inutile dir che el tentativo xe andà a bon fine. E che xe stado un viagio de quei che te se li ricordi per tuta la vita. Talmente memorabile che gavemo pensà de farghe un libro. Coi pupoli.

Copioni!

Xe vero. I ga za fato un libro cussì, semo rivai tardi. Xe che el nostro ritmo in bici iera un bic' più blando e semo restai indrio...
Alora gavemo pensà de far qualcossa de diverso. Inframezar el raconto del viagio con qualche storiela ispirada ai loghi visitai, ale persone incontrade e a quel che ne xe nato. In pratica con qualche nova picia maldobria, se cussì podemo ciorse el ris'cio de ciamarle.
I veri protagonisti de sto libro sarà alora Ucio e Ciano, veci patochi de età indefinida. Comodamente sentai in osmiza a bater carte e bever otavi, i ne legerà el diario dei zinque ciclisti e i ne lo comenterà, zontandoghe vizin qualche storiela che i ne conterà lori.
In pratica sto libro se pol leger tuto intiero, opur solo el diario, opur solo le storiele de Ucio e Ciano, opur solo i pupoli e po' bon. Insoma ognidun poderà far quel ch'el vol. Volendo, el xe anca 'ssai utile per meterlo soto una gamba dela tola, i disi.
E se no'l ve piaserà, la carta xe studiada per far dei otimi aereoplani, anzi, otimi aparechi. Per altro no dei, no ste gnanca pensarlo!
Bon, that's all. Bona letura!


P.S. L'idea originale iera che al posto de Ucio e Ciano ghe iera zinque mule belissime a Barcola soto el sol che legeva el diario del viagio e che dopo ogni capitolo le diseva che semo dei gran fighi e ala fine le se inamorava perdutamente de noi.

Ma dopo gavemo pensà che forsi xe più realistici i do veci che dopo ogni capitolo i ne manda a remengo e i parla monade. Pecà, la copertina saria stada sicuro de magior sucesso comerciale.

Rumiz iera andà fin Istanbul, altro che voi schiappe.
eh, te sa sì. Speta, gnanca questa no xe una domanda!

Ma el diario no lo gavevi za messo su Bora.La?
sì, el xe qua. ma quel del libro xe più aprofindito e sopratuto ghe xe le storiele tra una tapa e l'altra e i pupoli

Vegnirà fora qualche preview dele storiele?
Ecola qua: Le terme del Castel de Gyula!

Ed eco i titoli dei capitoli:
In Osmiza: Ucio, Ciano e el cotecio remengo
1. Leaving Trieste
In Osmiza: i spagnoleti de Caio Fumera
2. Ogni centimetro in bici diventa ani luce
In Osmiza: i krapfen de Trojane
3. Yeah! Galina con do teste per tuti, brother!
In Osmiza: el boscarin de Bobici
4. Sè de Trieste? Bevè pian che xe fredo!
In Osmiza: le terme del castel de Gyula
5. El cinciut dei cani ungheresi
In Osmiza: el canton dela letura
6. El lago Clanfaton
In Osmiza: l'olimpiade dele clanfe
7. Pici passi
In Osmiza: i furlani e le besteme
8. L'altra testa dela galina
In Osmiza: la scoperta mondiale dei Coriachi
9. La festa de S. Stefano, el tokaji e el treno aumma aumma
In Osmiza: odissea ferroviaria
10. I'm on a train, I can't complain
In Osmiza: de doman in bici


Se pol gaver el libro agratis?
sì, basta partecipar al concorso: te paghi 10 euri de iscrizion, e dopo xe l'estrazion per chi che vinzi el libro. Sicome semo cocoli, vinzi tuti sicuro :P

E el FRICO!?
i lavori del FRICO vien ripresi in magio/giugno, subito dopo la publicazion de questo

Cossa xe quei numeri soto el titolo?
Zinque bici, do veci e una galina con do teste. per i amici apunto 5-2-1-2

Mi no go ancora i 3 Monon Behavior nè el libreto rosso de Cosolini. Dove posso ciorli?
come no te ga? orca! e come te ga fato fin desso? te pol rimediar andando nele librerie più bobe del triveneto opur online nela Botega del Litoral.

Sta ultima domanda no la gavevo fata mi. Te la ga zontada ti per farte publicità agratis.
sì, xe vero :P



E questa xe l'anteprima de un pupolo de Michele :)


Torna ai contenuti | Torna al menu